От сенатора до патриарха, которому было суждено войти в лик святых – жизненный путь Тарасия Константинопольского не может не впечатлять. Получив хорошее образование, воспитание в богобоязненной семье, этот праведник сделал немало для распространения христианства, для помощи бедным, обездоленным.
За поддержкой к Тарасию Константинопольскому обращаются до сих пор. Молят его обычно об улучшении самочувствия больных, особенно тех, чей недуг сопровождается жаром, лихорадкой. Тарасий отвечает на все искренние молитвы, слова истинно верующих, любящих Всевышнего и ближних своих.
Молитва первая
О, всехвальный святителю Христов и чудотворче Тарасие!
Приими сие малое моление от нас грешных, к тебе прибегающих, и теплым твоим предстательством умоли Господа и Бога нашего Иисуса Христа,
яко да, призрев на ны милостивно, дарует нам согрешений наших вольных и невольных прощение, и по велицей Своей милости избавит нас от бед, печалей, скорби и болезней душевных и телесных, обдержащих нас;
да подаст земли плодоносие, и вся, яже на пользу настоящаго жития нашего потребная;
да дарует нам скончати житие сие привременное в покаянии, и да сподобит нас грешных и недостойных Небеснаго Царствия Своего, со всеми святыми славити Его безконечное милосердие, со Безначальным Его Отцем и Святым и Животворящим Его Духом, во веки веков.
Аминь.
Молитва вторая
О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Тарасие,
предстоя у Престола всех Царя и наслаждаяся света Единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко Всемилостивому Владыце,
моли спастися паствы Христовы людем, благостояние святых церквей утверди, архиереи благолепием святительства украси, монашествующия к подвигом добраго течения укрепи, царствующий град и вся грады страны добре сохрани и веру святую непорочну соблюсти умоли,
мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй,
сироты заступи, младенцы возрасти, плененныя возврати, немощствующия исцели, и везде тепле призывающия тя и с верою припадающия и молящияся тебе от всяких напастей и бед ходатайством твоим свободи,
моли о нас Всещедраго и Человеколюбиваго Христа Бога нашего, да и в день страшнаго пришествия Его от шуияго стояния избавит нас и радости святых причастники сотворит со всеми святыми во веки веков.
Аминь.